الأسئلة الشائعة

المفروض نبدأ من ايه هي احتياجاتك ومتطلباتك ؟ فبالتالي هنعرف القيود اللي على الميزانيه المرصوده ، وبناءا عليه هنراقب التكلفة المستهدفة من أول مرحلة التصميم وخلال فترة التشطيب واختيار الخامات. احنا شايفين ان دي افضل تكلفة مقابل القيمة ، عشان كده نظام التسعير عندنا هو التكلفة الحقيقية مضاف لها هامش الإشراف والإدارة أو cost plus ، لأن الباقات وأنظمتها هي محددة وثابتة ومش تضيف قيمة حقيقية و فيها مخاطر على التكلفة في ظل تغيرات أسعار الخامات اللي هتخلي في تكلفه اضافيه عليك ، بالاضافه كمان لتكلفة التمويل اللي ممكن تكون انت مش محتاجه ، كمان وجود باقات بخامات ثابتة هتقيد حرية الإبداع لدى المصمم الداخلي ، وده مش معناه ان التكلفه مفتوحه قدام المصمم ، لا هي نفس التكلفة المرصودة. الخلاصة احنا بنشتغل بطريقة احترافية في إدارة ومراقبة التكلفة عشان نحقق رضاك للحصول لأفضل قيمة.

حسب امكانياتك المادية بنعمل حاجه اسمها خطة التدفقات النقدية المتوقعة بالتوازي مع البرنامج الزمني المخطط لأعمال التشطيب والتنفيذ اللي بيكون فيه المدة الزمنية اللازمة لإنهاء الأعمال والتسليم.

مبدئيا مكانك مش هيفرق سواء كنت في مصر أو خارج مصر ، لأننا في بداية مراحل التصميم ، بنعمل استبيان وبيتم ارفاق الصور الملهمة اللي انت حاببها وكل متطلباتك ، وبعد كده بنعمل تحليل تخيلي عشان نوصل للمعطيات النهائية اللي بنشتغل عليها في التصميم ، وأثناء فترة التشطيب بيتم عمل جروب للتواصل لإرسال تقرير المتابعة بالإضافة لاعتماد المشتريات منك شخصيا لكل ماتم الاتفاق عليه ، فكده انت بتشطب شقتك بنفسك عن بعد ، وبتستلم زي الصوره اللي في التصميم بالظبط.

احنا بنشتغل في التصميم والتشطيبات وتصنيع الأثاث والانشاءات عموما ، بالإضافة لأعمال إعادة التأهيل و الصيانة والترميم ،وبنقدم استشارات فنية متخصصة تقدر تاخد منها قرار لمشروعك . احنا بنشتغل في الديكور الخاص بمحلك او عيادتك او مكتبك او شركتك حسب نشاطك وبنراعي فيه كل المعايير العلمية والفنيه والجماليه عشان نوصل لاهدافك التجاريه حسب متطلباتك.

نصائح التصميم مجانية في حالة لو كانت الاستشارة الأولى ، أما التصميم غير مجاني وبيمثل تقريبا في حدود 2-5 – ٪ من تكلفة المشروع.

نمط التصميم سواء مودرن او كلاسيك او معاصر أو خلافه اللي بيختاره هو العميل مش احنا ، لكن احنا نصائحنا وارشادتنا عامة في التصميم هي البساطة أيا كان نوع النمط التصميمي ، فالبساطه تعني الكثير ، عشان احنا شايفين ان البساطة عنصر رئيسي في تحقيق مفاهيم الاستدامة ،احنا بندي العميل الحريه الكامله في اضافة ذوقه الخاص اللي بيدل على شخصيته المختلفة وثقافته المتنوعة عشان يطلع التصميم النهائي بيعبر عنه وحده ومحدش غيره.

فعلا احد عيوب النظام ده ممكن تكون كده ، فنصيحة ماتشتغلش بالنظام ده مع حد انت مش واثق في أمانته ونزاهته ، بس ده مش عيب النظام ولكن عيب في تطبيق بعض الأشخاص ليه ، ولكن من وجهة نظرنا النظام ده هو الأفضل في حالة التشطيبات والديكور نظرا لاختلاف الأذواق وتقلبات وتغييرات أسعار الخامات ، بالإضافة ان نظام الباقات والمتر مش بيدي قيمة للتصميم ومقيد باختيارات وخامات وتصميمات معينه ، عشان كده احنا مش بنشتغل بالنظامين دول في مجال التشطيبات الداخلية والديكور .